كلمات اغنية أرينا – أرسينِك ليريكساشن

0 20



تراك: أرينا
غناء: أرسينِك

كلمات اغنية أرينا – أرسينِك

تم تثبيته من قِبل ARSENIK
ARSENIK
قبل 51 دقيقة
الــكلمــــات || Lyrics
الهوا الى بيدخل الرئة
بيطلع كلهب و بيخنق العدا ، لو دب ف قطب اخليه سخن ف الشتا
شبطت ف سنارتى ؟ دخلت مقبرتى ؟ يؤسفنى اقولك مش هتخرج من هنا
فاكس مش برد من سخف الأسئلة ، بنبخ ف سمنا
بنحقن الشريان و بنضخ بإفترا
قلب ميت ، فيه برد ف نفوسنا
تعابين الغابة دى ، نخلى مرات الأسد متحسش بفرق عن جوزها
و ابنى الصغير ، جيبلى ماضيه
لو يتعوج ف حاضره كلمنى أربيه
مهما تجرى بطئ
تفضل الأهم ف مكانك لغاية ما رجلى تخطيه
مين عايزنى ارازيه ؟

ده للتيم
نحضر شغلوا السرينة
الى بعديه ، مين ؟
دخلوه الأرينا

Keep it real , king
ملكنا الحقيقة
أسمع التشيز
و ابتسامتك الجميلة
معنديش هيتر ، ده طفل فا ليه ييجى ف بالى انى اعانده ؟
ده ف الشارع بيقول لأمثالى يا عمو ، اتضايق من حالى ان زعلته
صاحبى انا مش فاتح عيادة و المريض ده مش من مهامى انى اعالجه
و انا عاذره ، الشاب كارهنى و ده بسبب شقاوة عيالى الى ف عقله
ف بالى انى اعاتبه ، بس بنقول مسيره يعقل و بنروق على الفان
نلوم الجبان ، ده وصف المصطنع ف ساحتى من بعد الرجوع عن نزال
حاسس بدموع الولاد ، كل ما يكتبوا ببقى انا موضوع التراك
فاكرين بنافسهم مع انى كل ده بنافس نفسى الإسبوع الى فات
ده للتيم
نحضر شغلوا السرينة
الى بعديه ، مين ؟
دخلوه الأرينا

Keep it real , king
ملكنا الحقيقة
اسمع التشيز
و ابتسامتك الجميلة
قولت انك مسلح ف ضوء عباراتك ، طب لما جيتلك كان فين صوت طلقاتك ؟
و متقولش كاتم ! ده انت اما بتسمعنى ببقى من عندى سامع صوت نبضاتك
تحرق ف نفس الاسطوانة و تكرر ، ليه لمبه دماغك مطفية ؟
يمكن عشان شخصيتى بتعمللى الفلوس و انت فلوسك عملالك شخصية !
بمناسبة الفلوس ، متكلمنيش يا جثة
عالأقل معنديش ناس عايزين فلوسها
كفاية دراما و متدخلنيش ف بؤسك
لو لسة فيك كرامة ياد متخلينيش ادوسها

ده للتيم
نحضر شغلوا السرينة
الى بعديه ، مين ؟
دخلوه الأرينا
تسأل انا مين
أخوك الحريقة
احب البلدى
بس بموت ف اللاتينا
ده للتيم
نحضر شغلوا السرينة
الى بعديه مين ؟
دخلوه الأرينا

ليريكساشن ننشر لكم كلمات اغنية أرينا – أرسينِك , جميع الحقوق محفوظه

اترك رد

لن يتم نشر عنوان بريدك الإلكتروني.